Саха сиригэр куоластааһын биир кэлим күнүгэр оройуоттар баһылыктарын дуоһунастарыгар 11 хандьыдаат, нэһилиэктэр баһылыктарын быыбарыгар — 106, нэһилиэктэр депутаттарын дуоһунастарыгар — 404 хандьыдаат турда. Ол туһунан регион киин быыбардыыр хамыыһыйа ЯСИА-ҕа эттэ.
Улуус баһылыгар быыбардар Өлөөҥҥө, Хаҥаласка, Уус Алдаҥҥа, Сунтаарга буолуохтара. 11 хандьыдааттан үһэ политическай баартыйалартан, аҕыһа — бэйэ туруорунуута. Алта хандьыдаат регистрацияланна, онтон үһэ — бэйэ туруоруммуттар.
Нэһилиэктэр баһылыктарын быыбарыгар 59 хандьыдаат баартыйалартан, 47 — бэйэ туруорунуулара. 32 хандьыдаат регистрацияланна, онтон 11 — бэйэ туруорунуута.
Нэһилиэктэр депутаттарын дуоһунаһыгар 404 хандьыдааттан 120 бэйэ туруорунна. 114 хандьыдаат регистрацияланна, онтон 41 — бэйэ туруорунуута.
Улуус таһымыгар депутаттары эбии быыбарга Үөһээ Халыма, Дьааҥы, Нам, Сунтаар, Хаҥалас улуустара киирэллэр, барыта уон хандьыдаат турда, онтон түөрдэ — бэйэ туруорунуута. Үс хандьыдаат регистрацияланна.
Туруорунууга уонна регистрацияланыыга докумуону тутуу атырдьах ыйын 4 күнүгэр киэһэ 18.00 чааска диэри ыытыллар.
This post was published on 30.07.2025 18:00 18:00