«Кэлэр көлүөнэ сыаллаах пуонда граннары 2021 сылтан туттарар. Бүгүн биһиги наҕараадалары бэйэлэрин ситиһиилэринэн, билиилэринэн, талааннарынан, дьоҕурдарынан үөрдүбүт оҕолорбутугар туттарабыт, кинилэр региоммутугар улахан кыаҕы арыйаллар. Чуолаан эһиги үлэҕитинэн региону сыаналыыллар. Эһиги ситиһиигит элбэх үлэнэн тахсар, бэйэҕит уонна педагоккут үлэтинэн», — диэтэ пуонда генеральнай директэрэ Владимир Егоров
«Искусство» хайысхаҕа грант ылбыт Сайыына Пестерева бэлиэтээбитинэн, кини бириэмийэтинэн Россия уонна норуоттар ардыларынааҕы таһымнаах үөрэххэ кыттар былааннаах.
«Мин балетынан иккис кылаастан дьарыктанабын. Кыра сааспыттан балериналары сөбүлүүбүн, кинилэр курдук буолуохпун баҕарарым, сыананан эрэллээхтик хаамыахпын. Колледж кэнниттэн опера уонна балет тыйаатырыгар үлэлиир былааннаахпын. Грант ылыахтарын баҕалаах оҕолор бэйэҕит сыалгытын ситиһэргитигэр куттанымаҥ, элбэхтэ үлэлээҥ, үөрэниҥ, күүстээх уонна эрэллээх буолуҥ. Сыаллаах пуонда оҕолор сайдыыларыгар көмөлөһөр», — диэтэ Сайыына Петрова.
This post was published on 20.12.2024 18:01 18:01