Тохсунньу 13 күнүгэр Саха сиригэр тымныы, хаар түһэр. Ол туһунан УГМС саайт иһитиннэрэр.
Киин улуустарга, ону тэҥэ өрөспүүбүлүкэ илин өттүгэр кыра хаардаах. Соҕуруулуу-илин эмиэ быстах хаардаах. Уус Маайа оройуонугар миэстэлэринэн күүстээх хаар түһэрэ күүтүллэр, ыксаллаах сэрэтии биллэрилиннэ.
Өрөспүүбүлүкэ киинигэр уонна арҕаа өттүгэр сорох сирдэринэн тымныы туман буолуон сөп.
Илин, соҕуруулуу-илин, аллараа Өлүөнэҕэ уонна Арктика кытылыгар 9-14 м/с диэри тыал күүтүллэр, сорох сирдэринэн – алларанан. Нерюнгри оройуонугар күүһүрэр кэмигэр 15-20 м/с дылы тыал сабаҕаланар.
Халлаан температурата түүн киин улуустарга -40… -45°, арҕаа, аллараа Өлүөнэҕэ -45… -50°, Бүлүү бөлөҕөр уонна хотугулуу-арҕаа -50… -55°, соҕуруулуу-илин -32… -37°, сорох сирдэринэн -22 … -27°. Күнүс кииҥҥэ -33… -38°, арҕаа, аллараа Өлүөнэҕэ -41… -46°, Бүлүү бөлөҕөр оройуоннар, хотугулуу-арҕаа -46… -51°, соҕуруулуу-илин -28… -33°, сорох сирдэринэн -18 … -23°.
Дьокуускайга кыра хаар, түүн туман, хотугулуу-арҕаа 2-7 м/с тыал күүтүллэр. Түүн -41… -43°, күнүс -34… -36°.
