Пилота суох дирижабль кэрискэтин Саха сиригэр «Север» научнай-үөрэх киинигэр 2026 сыллаахха хомуйарга былаанныыллар. Бырайыак Арктикаҕа таһаҕаһы тиэрдии көдьүүһүн үрдэтэр соруктаах. Бу туһунан өрөспүүбүлүкэ Россия президенигэр бастайааннай бэрэстэбиитэлин бастакы солбуйааччы Александр Сафронов РИА Новости иһитиннэрдэ.
«Быйыл 200 куб. дирижабль оробуочай кэрискэтин хомуйа сатыахпыт, хайдах туттарын көрүөхпүт… Ити чопчу ханнык эрэ көтөр характеристикаларын үлэлэтэргэ кыах биэриэҕэ… Чахчы, А уонна В туочукалар бэриллибит пилота суох систиэмэ буоларын ситиһиэхтээхпит, саатар МТС-ситэриилээх зонаҕа көтөрүгэр», — диэн кэпсээтэ Сафронов агентствоҕа.
Маннык дирижабль 500 кг кэриҥэ таһаҕаһы тиэйиэн сөп. Сафронов этэринэн, оҥорооччулар иннилэригэр элбэх соруктар тураллар, ол иһигэр хайдах таһыы уонна парковка барарын быһаарыахтаахтар, ону тэҥэ Арктика оройуоннарын климатическай уратыларын учуоттуохтаахтар.
Россия президенигэр Саха сирин постпредын бастакы солбуйааччы технология сотору кэминэн дьон олоҕун судургутутар эрэллээх холобуру оҥороругар эрэллээҕин биллэрдэ.
Санатан эттэххэ, пилота суох авиационнай систиэмэлэри киллэрии кэскилин регионнааҕы тырааныспар министиэристибэтэ көрөр. Былырыын биэдэмистибэ баһылыга Владимир Сивцев таһаҕас тиэйэр дирижаблы ситиһиилээхтик тургутан көрбүт Москубатааҕы хампаанньа бырайыагын кытта билсибиттэрин кэпсээбитэ.
This post was published on 16.03.2026 11:09 11:09