Кэбээйи улууһун Сангаар олохтооҕо дьахтары оҕолоругар кырыктаах сыһыанын иһин сууттуохтара. Элбэх оҕолоох ийэ итирдэр утаҕы иһэрэ, оҕолорун аччыктатара уонна кырбыыра билиннэ.
«Быһаарыллыбытынан түөрт сокуоннай саастарын ситэ илик оҕолоох ийэ, итирэн баран оҕотугар эт-хаан эчэйиитин оҥордо, оҕолорун көрүүтэ-истиитэ, аһылыга суох хаалларда, дьиэтигэр туора дьону муста, кинилэри кытта арыгылаата. Кыра оҕотугар төрүөҕүттэн патологиялааҕа быһаарылынна, ити ийэ хат сылдьан никотин уонна арыгы интоксикациятыгар ылларбытын кытта сибээстээх», — борокуратуура пресс-сулууспата суруйда.
Дьахтартан төрөппүт быраабын быстылар. Холуобунай дьыала суут көрүүтүгэр ыытылынна.
This post was published on 05.02.2025 16:36 16:36