Саха сиригэр тыл бэлиитикэтин олоххо киллэрии сүрүн механизмынан судаарыстыбаннай уонна официальнай тыллары сайыннарыы бырагыраамата буолар. 2026 сыллаахха үбүлээһинэ 100 мөл.солк. тэҥнэспитэ. Төрөөбүт тыллары харыстааһыҥҥа туһуламмыт бырайыактар тустарынан өрөспүүбүлүкэ бырабыыталыстыбатын бэрэстээтэлин солбуйааччы Сергей Местников кулун тутар 12 күнүгэр судаарыстыбаннай былаас органнарын түмүк отчуотугар кэпсээтэ, диэн ЯСИА иһитиннэрэр.
«Бюджет өттүнэн хааччыллыы судургута суох балаһыанньатын үрдүнэн, быйыл Саха сиригэр судаарыстыбаннай уонна официальнай тыллары сайыннарыы бырагырааматын үбүлээһин кээмэйэ 100 мөл.солк. кээмэйинэн оннунан хаалла. Өрөспүүбүлүкэҕэ тыл бэлиитикэтигэр 50-ча бырайыак олоххо киирэр. Бу оҕолор уонна ыччат интэриниэт-киэҥ куйаарыгар контены тэрийии, социальнай роликтар, научнай чинчийиилэр, үөрэх тэрилтэлэригэр тыллар туруктарын кэтээн көрүү, Саха сирин норуоттарын төрөөбүт тылларынан учебниктары уонна тылдьыттары оҥоруу, «Тооку» оҕо телеханаала уо.д. а», — диэн бэлиэтээтэ Сергей Местников.
