Саха сирин сорох оройуоннарыгар балаҕан ыйын 4 күнүгэр түүн “минус” температура күүтүллэр.
УГМС иһитиннэрэринэн, өрөспүүбүлүкэ хотугулуу-илин өттүгэр сорох сирдэринэн түүн 0…-5 кыраадыска диэри буолуоҕа. Киин оройуоннарга түүҥҥү температура +4…+9 буолуо эрээри, арыллар кэмигэр -2…+3 кыраадыска диэри тымныйыа. Саха сирин соҕуруу өттүгэр түүнүн билиҥҥитэ сылаас — +8…+13 диэри.
Күнүс кииҥҥэ +15…-20 кыраадыска, арҕаа +12…+17, хотугулуу-илин +8…+13 диэри күүтүллэр.
Чэппиэргэ Алдан уонна Нерюнгри оройуоннарыгар этиҥнээх орто ардах, күүстээх тыал түһүөн сөбө сабаҕаланар. Ону сэргэ Ленскэй оройуонугар ардах түһэрэ күүтүллэр. Кыра ардах хотугулуу-илин оройуоннарга, хайаларга — инчэҕэй хаардаах түһүөҕэ.
Дьокуускайга түүн +4…+6 диэри тымныйыаҕа. Ардах көстүбэт, күннээҕи температура +17…+19 кыраадыс иһигэр буолуоҕа.
