Саха сиригэр сыл саҕаланыаҕыттан анал байыаннай дьайыы 46 кыттыылааҕа уонна СВО байыастарын дьиэ кэргэттэриттэн 120-тэн тахса киһи үлэнэн хааччылынна. Ол туһунан брифиҥҥэ от ыйын 29 күнүгэр нэһилиэнньэ дьарыктаах буолуутун киинин дириэктэри солбуйааччыта Игорь Соловьев эттэ.
«Машинист, массыына өрөмүөннүүр слесарь, токарь, медицина сиэстэрэтэ, дьыссаат иитээччитэ, администратор, атыы менеджерыгар наадыйыы баар», — диэтэ Игорь Соловьёв.
Кини информациятынан, идэни уларытыыга СВО 11 кыттыылааҕа уонна байыастар дьиэ кэргэттэриттэн биэс киһи үөрэннэ, оптуобус суоппарыгар, сыаналаах бородууксуйа хонтуруоллааччытыгар, социальнай үлэһиккэ, портнойга уонна поварга, газоэлектросварщикка, предпринимательскай үлэҕэ.
Билигин дьарыктаах буолуу сулууспатын учуотугар СВО 65 кыттыылааҕа уонна байыастар дьиэ кэргэттэриттэн 50 киһи турар.
This post was published on 29.07.2025 16:58 16:58