2022 сыл сэтинньитигэр Саха сиригэр 1064 оҕо төрөөтө: 536 уол уонна 528 кыыс. Оттон Ийэ сылын саҕаланыаҕыттан 10 622 кырачаан күн сирин көрдө: 5455 уол уонна 5167 кыыс.
ГТАС управлениетын иһитиннэриитинэн, сэтинньигэ төрөөбүт уолаттарга Лев, Михаил, Айтал, Максим, Марк, Богдан, Дамир, Тимур уонна Дьулуур диэн ааттар элбэхтэр. Сэдэх ааттарга — Агний, Альяса, Билол, Ерофей, Конон, Леонардо, Оскар, Рихард уонна Эркээни.
Сэтинньигэ күн сирин көрбүт кыргыттарга — София, Аделина, Ева, Милана, Алиса, Мия уонна Виктория диэн ааттар элбэхтэр. Сэдэх ааттар – Ангел, Велимира, Верджиния, Кайя, Лагерта, Марелла, Нина-Чиома, Томирис уонна Ярина.
This post was published on 06.12.2022 09:01 09:01