Миниистир солбуйааччыта эппитинэн, региоҥҥа аҕыс биэдэмистибэ терроризмы утары үлэҕэ биир кэлим былаан чэрчитинэн, үүнэр көлүөнэни иитиитэ туһуламмыт тэрээһиннэри ыытар. Ураты болҕомто СВО кыттыылаахтарын оҕолоругар ууруллар.
«Бүгүҥҥү күҥҥэ СВО кыттыылаахтарын оҕолорун өйүүргэ 11 миэрэ үлэлиир. Олор ортолоругар — дьыссаакка, оскуолаҕа, колледжка уонна үрдүк үөрэххэ киириигэ приоритет биэриитэ, босхо итии аһылык. Саамай сүрүнэ — индивидуальнай сыһыан хас биирдиилэригэр көрүллэр. Маннык оҕолорго биһиги психологическай маршруттары үөрэх дьылын устата ыытабыт», — диэтэ Степанов.
Көмө оҕолорго эрэ буолбакка, кинилэри дьарыктыыр педагог-психологтарга эмиэ оҥоһуллар. Министиэристибэ исписэлиистэр туруктарын көрөр уонна наадалаах методическай уонна профессиональнай ресурсаларынан хааччыйар.
Биэдэмистибэ дааннайынан, 2024 сылга 4747 оҕоҕо 13,5 тыһыынча индивидуальнай консультация уонна 13 тыһыынчаттан тахса тренинг ыытылынна. Бу үлэ 2025 сылга эмиэ салҕанан барар — хабыыта кэҥээн, миэрэтэ күүһүрэн биэрдэ.
This post was published on 04.04.2025 17:06 17:06