Анал байыаннай дьайыы (СВО) кыттыылаахтарын уонна кинилэр дьиэ кэргэттэрин чилиэннэрин өйүүр дьаһаллар тустарынан чат-боту Саха сиригэр оҥордулар. Бу туһунан өрөспүүбүлүкэ инновация, цифровой сайдыы уонна инфокоммуникационнай технологияларын министиэристибэтигэр иһитиннэрдилэр.
«Өрөспүүбүлүкэ олохтоохторо федеральнай уонна региональнай таһымҥа көрүллэр 142 өйөбүл миэрэ туһунан, персональнай дааннайдарын хомуйсубакка эрэ, иһитиннэриини ылыахтарын сөп», — диэн биэдэмистибэҕэ чуолкайдаатылар.
Саҥа өҥө Тelegram мессенджерыгар сигэнэн баар. Саҕаланыытыгар чат-бот өйөбүл миэрэтин ылааччы интэриэһиргиир категориятын талларыаҕа, онтон “Госуслуги” сайтка көһөрөн туох баар наадалаах информацияны барытын биэриэҕэ.
Онон СВО кыттыылаахтара уонна кинилэр дьиэ кэргэттэрэ бэйэлэригэр тиийэр өйөбүл дьаһалларын туһунан тирээн турар суолталаах дааннайдары түргэнник ылыахтарын сөп, диэн бэлиэтээтилэр Саха сирин мининновациятыгар.
