29 Бэс ыйа 29.06
  • -7°
  • $ 104,68
  • 115,6

Саха сиригэр суукка иһигэр 2 айылҕа баһаарын умуллардылар

Авиолесоохрана оперативнай дааннайынан 2022 сылга баһаартан сэрэхтээх буолуу сезонун саҕаланыаҕыттан Саха сиригэр 4 айылҕа баһаара бэлиэтэммит, уопсай иэнэ 22,1 га. Баһаар умулларыытыгар Саха сиринээҕи ЫБМ салаатын үлэһиттэриттэн 103 киһи уонна 17 тиэхиникэ тардыллыбыт, диэн СИА-ҕа биллэрдилэр.

Ойууру баһаартан харыстыыр сулууспа оперативнай уонна сыралаах үлэни көрдөрөн, нэһилиэнньэни түргэнник көмөҕө тардан биир суукка иһигэр 2 айылҕа баһаарын умуллардылар. Билигин Амма улууһун сиригэр уотугар икки баһаар умайа турар.

Бэлиэтээн эттэххэ, айылҕа баһаарын сэрэтэр сыалтан сууккаҕа 10 патрульнай- хонтуруолунай группа үлэлээтэ, күн бүгүн административнай буруйдар тустарынан 21 боротокуол оҥоһулунна. Нэһилиэнньэ тыаҕа тахсарын хааччахтыыр 10 постар туруорулунна.

«Судаарыстыбыннай баһаарынай надзор үлэһиттэрэ баһаартан сэрэхтээх суох буолуу ирдэбиллэрин нэһилиэнньэ төһө тутуһарын салгыы бэрэбиэркэлиэхтэрэ. Баһаартан сэрэхтээх буоларга ананар сэрэтэр дьаһаллары барытын куйаас түһүөр диэри түмүктүөххэ наада, сири-уоту өртөөһүн бобулларын санатабын«- диэн Арассыыйа ЫБМ Саха сиринээҕи салаатын кылаабынай управлениетын начальнига Павел Гарин бэлиэтээтэ.

Следите за самым важным и интересным в Telegram-канале и WhatsApp-группе ЯСИА
0
0