Коронавирус Кэбээйи уонна Мэҥэ Хаҥалас улуустарыгар билиннэ. Биирдии киһи ыарыйда диэн, суһал штаб СИА-ҕа иһитиннэрдэ.
Алдаҥҥа икки түбэлэтэ эбилиннэ — обсерваторга сытар дьон.
25 саҥа сутуллуу Дьокуускайга — бу офтальмология клиникатын үлэһиттэрэ, итиэннэ Уус-Ньараҕа госпитализацияламмыт сезоннай үлэһит контактара. Ыалдьыбыт дьон бары балыыһаҕа сыталлар, контактара бигэргэтиллэллэр.
3 пациент үтүөрдэ: 1 — Ленскэйгэ, 1 — Мирнэйгэ, 1 — Алдаҥҥа. Уопсайынан 28 киһи үтүөрдэ.
Саха сиригэр 157 киһи коронавирустан эмтэниини ааһар. Үс киһи туруга мөлтөх. Биир киһи ИВЛ аппараатыгар сытар.
Саха сиригэр барыта 212 коронавирус түбэлтэтэ таҕыста, 28 киһи үтүөрдэ, 3 киһи өллө.
Лабораторияларга 2297 тест оҥоһулунна, обсерватордарга 675 киһи сытар.
