Саха сиригэр ааспыт сууккаҕа 3542,2 гектар иэннээх сиргэ барыта 12 ойуур баһаарын умуллардылар. Билигин уоту умулларыыга 1536 киһи, 58 тиэхиньикэ уонна тоҕус Ми-8 бөртөлүөт үлэлиир. Бу туһунан атырдьах ыйын 14 күнүгэр өрөспүүбүлүкэ экологиятын пресс-сулууспата иһитиннэрдэ.
Бэнидиэнньик сарсыарда Алдан, Үөһээ Халыма, Кэбээйи, Мииринэй, Муома, Нерюнгри, Ньурба, Өймөкөөн, Өлүөхүмэ, Томпо, Уус Алдан, Уус Маайа уонна Чурапчы оройуоннарыгар 59 ойуур баһаарын умуруорууга үлэ барар.
Маны таһынан, биир ойуур баһаара Өлүөхүмэ сиригэр-уотугар баар заповедникка бэлиэтэнэр, манна эмиэ уоту тохтоторго үлэ барар.
This post was published on 14.08.2023 11:03 11:03