29 Кулун тутар 29.03
  • -15°
  • $ 92,37
  • 99,53

Саха сиригэр сууккаҕа 21 ойуур баһаарын умуллардылар

Читайте нас на
Яндекс Новости
ЯДВ

Кэнники сууккаҕа региоҥҥа 21 ойуур баһаарын умуллардылар. Өрөспүүбүлүкэ сиригэр-уотугар 38 тыһыынча гектар иэннээх сиргэ барыта 48 баһаар умайа турар,  бу туһунан бастакы вице-премьер Дмитрий Садовников кэпсээтэ, диэн СИА иһитиннэрэр.

«Күн бүгүн 13 ойуур баһаара бэлиэтэннэ. Региоҥҥа 24 тыһыынчаттан тахса гектар иэннээх сиргэ 14 баһаары умуруора сылдьаллар, итинтэн  биэс баһаары туораттылар. Баһаарга 385 киһи уонна 8 техника үлэлии сылдьаллар. Сууккаҕа  32 тыһыынча гектар иэннээх сиргэ 21 баһаары умулларылар», — диэн  Дмитрий Садовников кэпсээтэ.

Ан-26 «Циклон» сөмөлүөтү Алдан уонна Уус-Майа оройуоннарыгар баһаары умуруорууга ыытыахтара, ону тэҥэ авиапортруллааһыҥҥа уонна ойуур баһаарын умуруорууга бөртөлүөттэр уонна сөмөлүөттэр туһаныллыахтара.

Саха сирин сиригэр- уотугар баһаартан сэрэхтээх буолуу сезона саҕаланыаҕыттан 112 тыһыынча гектар иэннээх сиргэ 212 ойуур баһаара буолла. Былырыын баччаларга 587 тыһыынча гектар иэннээх сиргэ 752 уот турбута.

Следите за самым важным и интересным в Telegram-канале и WhatsApp-группе ЯСИА