Саха сирин госавтоинспекцията өрөбүл күннэргэ сулууспа күүһүрдүллүбүт эрэһиимигэр киирэр, диэн иһитиннэрэр биэдэмистибэ пресс-сулууспата.
Балаҕан ыйын 12-14 күннэригэр өрөспүүбүлүкэ суолларыгар ДПС нэрээтэ эбиллиэҕэ, госавтоинспекция үлэһиттэрэ нэһилиэнньэлээх пууннарга киириигэ-тахсыыга туруохтара, маассабай бэрэбиэркэлэри ыытыы былааннаныа.
Массыына ыытар бырааба суох, итирик туруктаах, утары балаһаҕа тахсар, пассажирдары таһыы быраабылатын кэһэр суоппардары болҕомтоҕо ылыахтара. Ону тэҥэ сатыы дьоҥҥо уонна мототырааныспар уонна электросамокат суоппардарыгар ПДД кэһиигэ сэрэтиини күүһүрдүөхтэрэ.
Бу нэдиэлэ саҕаланыаҕыттан Саха сиригэр аҕыс киһи эчэйиилээх саахал таҕыста, икки киһи өллө.
