Саха сирин полицейскайдара үс киһини туттулар. Бу дьон суоппар быраабын “атыылыы” сатаатылар. Кинилэр маннык ньыманан 100 тахса киһини албыннаатылар.
Уорбаланааччылар социальнай ситимнэринэн “В” категориялаах дастабырыанньаны үөрэтиитэ уонна эксээмэнэ суох атыылыыр туһунан биллэрии таһаарбыттар. Бу өҥөнү кинилэр 10-тан 40 тыһыынчаҕа диэри сыаналаабыттар.
Бу буруйу оҥорууга сууттана сылдьыбыт икки киһи, ону тэҥэ Нерюнгрига олорор сааһын ситэ илик уол уорбаланаллар. Үһүөннэрин туттулар. Холуобунай дьыаланы салгыы силиэстийэлииллэр.
СИА.
This post was published on 27.04.2018 16:43 16:43