Дьокуускайга социальнай суолталаах ас-үөл табаардарыгар сыананы эбии боппуруостарыгар анаммыт «төгүрүк остуол» буолан ааста. Тэрээһин СӨ урбааҥҥа, эргиэҥҥэ уонна туризмҥа миниистирин бастакы солбуйааччыта Максим Карбушев салайыытынан ыытылынна, Саха сирэ саайт.
Мунньахха өрөспүүбүлүкэ ситэриилээх былааһын уорганнарын, муниципальнай тэриллиилэр, уопсастыбаннай тэрилтэлэр, ону таһынан дьоҕус уонна орто биисинэс бэрэстэбиитэллэрэ кыттыннылар диэн СӨ Баһылыгын уонна Бырабыыталыстыбатын пресс-сулууспата иһитиннэрэр.
Дьүүллэһии сүрүн тиэмэтинэн бастакы наадалаах бородуукталарга сыананы эбиини бэрээдэктээһини көрүү буолла. СӨ сыана бэлиитикэтигэр судаарыстыбаннай кэмитиэт бэрэссэдээтэлин солбуйааччы Саргылаана Матвеева сүрүн дакылааты оҥордо. Кини сыанаҕа эбиини бэрээдэктиир мэхэньиисим уонна сыана эбиллиитин тутуһуутун хонтуруолун туһунан кэпсээтэ.
Өрөспүүбүлүкэ урбаанньыттарын быраабын харыстыыр боломуочуйалаах Альбина Кычкина ылыллар быһаарыылар урбаанньыттарга дьиҥнээхтик дьайыытын сыаналыыр улахан суолталааҕын тоһоҕолоото.
Урбаан холбоһугун уонна уопсастыбаннай тэрилтэлэр бэрэстэбиитэллэрэ эмиэ бэйэлэрин санааларын этиннилэр уонна ырыынагы туһанааччылар интэриэстэрин да, биисинэһи туруктаахтык сайыннарыыны да учуоттаан – икки өттүттэн тэҥниири ирдиир наадатын ыйдылар.
Төгүрүк остуол түмүгүнэн социальнай суолталаах ас-үөл бородууктатынан хааччыйыыга уонна эрэгийиэн урбаанньыттарыгар бигэ усулуобуйаны тэрийиигэ салгыы бииргэ үлэлииргэ олугунан буоулуо.
Сиһилии: https://www.sakha.gov.ru/news/12419
This post was published on 25.09.2025 15:26 15:26