Дьокуускайга Богдан Чижик уулуссаҕа турар 124 кыбартыыралаах дьиэҕэ ырыынак сыанатыттан чэпчэкитик өссө 37 саҥа кыбартыыраны куортамҥа биэриэхтэрэ. Дьиэлэр “Куортамҥа олорор дьиэ” федеральнай бырагырааманан бэриллэллэр.
Саха сирин Тутууга министиэристибэтэ 15 кыбартыыраҕа чэпчэтиилээх усулуобуйанан олорорго ыаллары сүүмэрдиир. 22 кыбартыыраны кэмиэрчэскэй сыананан куортамҥа биэриэхтэрэ, ол эрээри ырыынак сыанатыттан быдан чэпчэкитик.
Бэс ыйын 27 күнүгэр 11.30 чаастан кыбартыыралары көрүөхтэрэ. Куортамнааччылары сэргэ бырабыыталыстыба бэрэссэдээтэлин солбуйааччы Игорь Никифоров, туһааннаах министиэристибэ бэрэстэбиитэллэрэ уо.д.а. кыттыахтара.
СИА.
