«Пуорумҥа тоҕус регион оҕо быраабыгар боломуочуйалааҕа кыттар. Уобаластарга дьиэ кэргэни уонна оҕону кытта үлэлиир кэллиэгэлэрбит кэллилэр — Калугаттан, Иркутскайтан уонна Хабаровскайтан исписэлиистэр. Оҕо дьиэ кэргэҥҥэ төрөппүттэригэр иитиллиитин боппуруостара көрүллэллэр», — диэтэ «Берегиня» киин дириэктэрэ Анастасия Дьяконова.
Саха сиригэр дьиэ кэргэн бэлиитикэтэ регион сайдыытын инники күөҥҥэ тутуллар хайысхата. Өрөспүүбүлүкэ баһылыгын ыйааҕынан 2023 сыллаахха тулаайах оҕо уонна көрүүтэ-истиитэ суох хаалбыт оҕо дьиэлэригэр олорор оҕолор ахсааннарын аҕыйатар сорук турар.
«Үлэ ситиһиилээхтик барар. Биһиги элбэх хайысхалаах дьиэ кэргэн кииннэрин үлэлэрин уопутун кэллиэгэлэрбитигэр кэпсиибит. Билигин түөрт МФЦ Дьокуускайга, Чурапчыга, Намҥа уонна Уус Алдаҥҥа үлэлиир. Уочаракка Өлүөхүмэҕэ, Мииринэйгэ дьиэ кэргэн кииннэрэ тэриллэрэ күүтүллэр, Дьокуускайга баар киин кэҥиэхтээх. Кииннэр үлэлэрэ үчүгэй, нэһилиэнньэ ылынна», — диэтэ Анастасия Дьяконова.
