Саха сирин олохтоохторо социальнай ситимнэргэ скорпиоҥҥа майгынныыр үөн хаартыскатын уонна видеону тарҕаттылар. СИА кэрэспэдьиэнэ биолог Евгений Поповтан комментарий ылла.
Биолог кадрга — «ложноскорпион» сылдьарын бигэргэттэ. Маннык үөн өрөспүүбүлүкэҕэ ханна баҕарар баар, ити эрээри кыра кээмэйдээх уонна көстүбэт олохтоох буолан соччо биллибэттэр.
«Бу үөн да буолбатах, ооҕуй оҕуска майгынныыр кыыл, хелифер диэн ааттаах. Бу куттала суох кыыл. Скорпион аймаҕа, ити эрээри дьаата суох. Аан дойдуга барытыгар баар, Саха сиригэр эмиэ баар көстүү. Быыллаах сиргэ олорор: чердакка, амбарга, эргэ кинигэлэргэ. Быыл клещтарынан аһыыр, онон туһалаах буолуон сөп», — диэтэ СИА-ҕа Евгений Попов.
This post was published on 26.04.2023 11:29 11:29