Экология министиэристибэтэ суһал чинчийии кэнниттэн, Саха сирин икки учаастагар сибиирдээҕи солколоох үрүмэччи үөскээбитин бэлиэтээтэ. СИА үөн баар буолуутун биричиинэтин уонна туох-ханнык содуллааҕын сөбүн быһаарыста.
Экология министиэристибэтин чинчийиитинэн, Марха учаастактааҕы лесничествотын уонна Намнааҕы лесничество кыраныыссаларыгар сибиирдээҕи солколоох үрүмэччи баара билиннэ. Барыллаан быһаарыынан, 700 гектар сиргэ тарҕаммыт. Чинчийии кэмигэр көстүбүтүнэн, мас мутукчатын 30% сиэниллибит, биир маска ортотунан 60 — 70 устуука лыах ыамата олорор.
Үрүмэччи өссө Шестаковскай учаастактааҕы лесничествотын Хаҥаластааҕы лесничествотын кыраныыссаларыгар булулунна. Тарҕаныыта — 1200 га, мутукчаны сиэбитэ 45% тэҥ. Биир маска ортотунан 110 — 120 үөн олорор.
Чинчийиллибит учаастактарга буортулаах үөн үөскээбит төрүөтүн булуохтара уонна «Рослесозащита» тэрилтэ учуокка ылар дьаһаллары толоруо. Бэрэбиэркэ түмүгүнэн иһитиннэрии ойуур хаһаайыстыбатын федеральнайдааҕы агентствотыгар тиксэриллиэҕэ. Бу туһунан экология министиэристибэтигэр эттилэр.
Солколоох үрүмэччи күөрэс гыммытын биричиинэтин, содулун, онтон да атыны сиһилии манна аах: https://ysia.ru/vspyshka-sibirskogo-shelkopryada-v-yakutii-prichiny-i-vozmozhnye-posledstviya/
This post was published on 03.06.2020 17:01 17:01