Саха сиригэр сэттэ ойуур баһаарын умуруораллар, иккитэ бохсулунна, Экология министиэристибэтин пресс-сулууспата иһитиннэрэр.
Уот турбут сирин уопсай иэнэ 512 га. Ааспыт сууккаҕа хааччыйар зонаҕа Амма улууһа (Чакыр-2), Бүлүү улууһа (Бүлүү куората), Нам улууһа (Булуус), Ньурба улууһа (Өҥөлдьө), Таатта улууһа (Даккы) уонна Чурапчы улууһа (Мээндийэ) турбут уоттар тохтотулуннулар. Хонтуруолланар зонаҕа биэс баһаар бохсулунна. Уоту умуруорууга 195 киһи, 39 техника кытынна.
Хонтуруолланар зонаҕа, ыраах, суола-ииһэ суох ойуур пуондатыгар — Саха сирин бырабыыталыстыбатын КЧС быһаарыытынан уоту умуруоруу тохтотуллан турар сирдэргэ — 47 термотуочука баар, уопсай иэнэ — 27 894 га. Кэтээн көрүү космическай сириэстибэлэринэн ыытыллар. Нэһилиэнньэҕэ, эбийиэктэргэ куттал суох.
This post was published on 02.09.2020 10:08 10:08