Үлэ министиэристибэтин дааннайынан, сайыҥҥы халаан уутуттан эмсэҕэлээбит оройуоттар олохтоохторуттан материальнай көмөҕө 544 сайабылыанньа киирдэ. Ол иһигэр 136 — баай-мал алдьаныытынан компенсация ылыытыгар.
«Эмсэҕэлээбиттэргэ көмөлөһөр биригээдэлэр тэриллэллэр. Бэйэтин көмөтүн 13 оройуон биллэрдэ: Ньурба, Сунтаар, Үөһээ Бүлүү, Бүлүү, Горнай, Хаҥалас, Нам, Дьокуускай, Уус Алдан, Мэҥэ Хаҥалас, Амма, Таатта уонна Чурапчы. Көмөнү оҥоруу суол чөлүгэр түстэ да саҕаланыаҕа — манан тырааныспар министиэристибэтэ дьарыктанар. Тутуу матырыйаалыгар сайаапка хомуллар, салгыы алдьаммыты-кээһэммити туоратыыга үлэ саҕаланыаҕа», — телеграм-ханаалыгар бастакы вице-премьер Дмитрий Садовников суруйда.
This post was published on 22.07.2025 17:17 17:17