«Кулун тутар бастакы күннэригэр салгын баттааһына үрдээн, Арктика тымныы салгына холбоһон, Саха сиригэр кыһын төннүбүтэ. Температура хотугулуу-арҕаа, хотугулуу-илин -48…-53 кыраадыс буолла. Кыһыҥҥы эрэһиим өрөспүүбүлүкэҕэ бээтинсэҕэ диэри туруоҕа. Ити эрээри Халыма-Индигир оройуоннарыгар сылыйыаҕа. Соҕуруулуу-арҕаа эмиэ, -8…-13 кыраадыс буолуоҕа», — диэтэ Саргылана Никитина.
Киин улуустарга сылаас субуотаҕа уонна өрөбүлгэ биллиэҕэ. Тыаллаах буолуоҕа.
«Бээтинсэҕэ диэри сүрүннээн -40…-45 кыраадыс туруоҕа, хаардаах күн -32…-37 буолуоҕа. Күнүс арҕаа -25…-30, соҕуруу -15…-20. Өрөбүллэргэ киин улуустарга тыалырыа, температура нуормаҕа тиийиэҕэ, күнүс -20 кыраадыс. Тыала 3-8 м/с», — диэтэ метеоролог.
This post was published on 04.03.2025 15:58 15:58