Россия аармыйатын кэккэтигэр сааскы хомуур болдьоҕо өрөспүүбүлүкэҕэ кэмигэр ыытыллар. Дьаҥ пандемията тохтоппото. Байыаннай сулууспаҕа ыҥырыллааччылары коронавируска бэрэбиэркэлииллэр. СИА-ҕа регион байыаннай комиссара Демир-оол Артына кэпсээтэ.
«Сааскы хомууру муус сутар 1 күнүттэн саҕалаатыбыт. Өрөспүүбүлүкэҕэ баар байыаннай комиссариаттар бары үлэлииллэр. Улуустарга хомуур тэрээһиннэрэ буола тураллар. Дьокуускайга быраастарга көрдөрүнүү муус сутар 13 күнүттэн саҕаланыа», — эттэ Демир-оол Артына.
Кини эппитинэн, дойдуга коронавирус тарҕаммытынан, призывниктары коронавируска бэрэбиэркэлиэхтэрэ. Бырабыыталыстыба изоляторынан хааччыйда – өрөспүүбүлүкэтээҕи хомуур пуунуттан 50 м чугаска баар оскуола-интернаты анаата.
«Хомуур пуунугар киириэхтэрин иннинэ анаалыс ылыллар. Түмүгэ “отрицательнайы” көрдөрбүттэр хомуур пуунугар тиийэн, анал быраастары ааһаллар уонна аармыйаҕа барарга бэлэмнэнэллэр», — диэтэ сүрүн байыаннай комиссар.
This post was published on 06.04.2020 16:07 16:07