Табаһыт күнэ Ил Дархан Айсен николаев ыйааҕынан 2020 сыллаахха тэриллибитэ.
2024 сыл саҕаланыыта табаны иитиинэн өрөспүүбүлүкэҕэ 98 тыа хаһаайыстыбатын тэрилтэтэ баар, олортон 57 — аҕыйах ахсааннаах төрүт хотугу норуоттар общиналара. Табалары 20 оройуоҥҥа иитэллэр, Арктикаттан саҕалаан, Нерюнгри оройуонугар диэри, Дьокуускай кытыытыгар эмиэ бааллар.
154 514 таба тыа хаһаайыстыбатын тэрилтэлэригэр, 5 750 таба — бааһынай хаһаайыстыбаларга, 2335 таба — нэһилиэнньэҕэ. Ааспыт сылга 688,2 туонна таба этэ атыыга тахсыбыта.
Санаттахха, кулун тутар 18 — 20 күннэригэр Дьокуускайга табаһыттар IV съездтэрэ буолуоҕа. Өрөспүүбүлүкэ 20 улууһуттан, Россия регионнарыттан, Кытайтан, Монголияттан ыалдьыттар кэлиэхтэрэ.
