Саха сирин бастакы вице-премьера Дмитрий Садовников «2019-2025 сылларга саахалланар дьиэ-уот пуондатыттан гражданнары көһөрүү» өрөспүүбүлүкэтээҕи аадырыстаах бырагырааманы олоххо киллэриигэ нэдиэлэ аайы ыытыллар штаб уочараттаах мунньаҕын ыытта. Бу туһунан иһитиннэрэр www.sakha.gov.ru.
Мунньах бэбиэскэтигэр 2022-2023 сыллардааҕы 11 кыһалҕалаах эбийиэк көрүлүннэ. Нерюнгри оройуонун Чульман бөһүөлэгэр олорор комплекс, Амма улууһун Амма сэлиэнньэтигэр (Киренскэй уонна Молодежнай уулуссаларыгар), Кэбээйи улууһун Кэбээйи сэлиэнньэтигэр, Бүлүү улууһун Күбэйиндэ сэлиэнньэтигэр, Горнай улууһун Маҕарас сэлиэнньэтигэр, Нерюнгри куорат «Р» кыбаарталыгар олорор дьиэ, ону тэҥэ Харыйалаах сэлиэнньэтигэр икки элбэх квартиралаах дьиэ уонна Өлөөн национальнай оройуонун Өлөнүөк сэлиэнньэтигэр 30 кыбартыыралаах дьиэ киирэллэр.
Бу эбийиэктэртэн сороҕо хайыы-үйэ сөп түбэһэрин туһунан түмүккэ тахсан, сотору кэминэн үлэҕэ киллэрэргэ көҥүл ылыаҕа. Кэккэ дьиэлэри балаҕан ыйыгар, сороҕун алтынньыга, саамай хаалыылаахтарын сэтинньи ыйга үлэҕэ киллэрэр былааннаахтар.
Сиһилии манна ааҕыҥ.
This post was published on 12.09.2025 17:33 17:33