Саха сиригэр саҥа инфекционнай балыыһаны тутуохтара. Бырайыактыыр-сметалыыр докумуона түмүктэннэ. Билигин судаарыстыбаннай экспертизаны ааһар. Ол туһунан Ил Дархан Айсен Николаев пресс-конференция кэмигэр эттэ, СИА суруйар.
«Саха сиригэр анал инфекционнай балыыһа суох. Коронавирус пандемията ыарыыны кытта охсуһууну эрэ буолбакка, инникитин сыстыганнаах ыарыылары кытта охсуһарга систиэмэни тутары оҥордо. Кардиологическай уонна онкологическай диспансердары тутуу кэнниттэн федеральнайдааҕы киини кытта өрөспүүбүлүкэтээҕи инфекционнай балыыһаны тутар туһунан үлэ барар. Бырабыыталыстыбаҕа былырыын сорудах бэриллибитэ. Билигин бырайыактыыр-сметалыыр үлэ бүтэн, судаарыстыбаннай экспертизаны ааһар», — диэтэ Ил Дархан.
This post was published on 20.12.2021 17:05 17:05