Саха Өрөспүүбүлүкэтин экология министиэристибэтэ санатарынан, Ойуурга баһаарынай өттүнэн сэрэхтээх буолуу быраабылатын 12 пуунугар олоҕуран, тыа саҕатыгар кур оту уоттааһын бобуулаах. Бу туһунан биэдэмистибэ пресс-сулууспата СИА-ҕа иһитиннэрдэ.
Курулаабыт оту уоттааһыҥҥа административнай ыстыраап олохтонор. 3000 — 4000 солк биирдиилээн дьоҥҥо, дуоһунастаах сирэйдэргэ 15 000 — 25 000 солк, юридическай сирэйдэргэ — 150 000 — 200 000 солк.
Өртөөһүнү ыытан, баһаары таһаарбат туһугар хонтуруоллуур бөлөхтөр тэриллэллэр. Кинилэр быраабыланы кэһиини уодьуганныахтара. Ол инниттэн систэринэн-тыаларынан кэтээн көрүү күүһүрүөҕэ.
Ойуур хаһаайыстыбатын министиэристибэтэ дьону уоттан сэрэхтээх буолууга уона ойууру харыстыырга ыҥырар.
Өскөтүн уот турбутун эбэтэр буруо тахсарын биллэххитинэ, көрдөххүтүнэ регионнааҕы диспетчерскай сулууспа быһа сибээһэ 8(4112) 44-74-76. Итиэннэ 8 (800) 100-94-00 нүөмэргэ биллэриилэри ыытыаххытын сөп.
