13 От ыйа 13.07
  • 18°
  • $ 87,74
  • 95,76

Саха сиригэр үрэҕи киртиппитин иһин артыалы 46 мөл солкуобайга ыстарааптаатылар

13:23, 03 мая 2018
Текст:
Читайте нас на
Яндекс Новости
ЯДВ

2017 сыл от ыйыгар иниспиэктэрдэр рейдэҕэ сылдьан Унга-Нимгеркан үрэҕи киртитии чахчытыгар түбэспиттэрэ. Чинчийэр үлэ түмүгэр үрэх үөһээ өртүгэр “Нимгеркан” сууйааччылар артыаллара” ХЭТ хайа үлэтин ыытар учаастагын булбуттара.

Үрэх кытылыгар ууттан чугас үүттүүр тэрил турара. Вахтовай бөһүөлэктэн чугас үлэлии турар бырамыысыланнай приборга түбэспиттэрэ. Итинтэн кирдээх уу сүүрэ турара.

Экологическай чинчийии түмүгэр “Нимгеркан” АС” ХЭТ хайа үлэлэрин ыытар учаастагар ити прибортан кирдээх уу сүүрбүтүн түмүгэр үрэххэ уу хаачыстыбата мөлтөөбүтэ быһаарыллыбыта.

Алданнааҕы айылҕа харыстабылын кэмитиэтэ артыалы административнай эппиэккэ тардыбыта. Бу ХЭТ-тэн 46 мөл солкуобайы ирдиир туһунан Айылҕа харыстабылын борокуратуурата суукка дьыала түһэрбитэ. Үрдүкү Суут ону өйөөтө.

СИА.

Следите за самым важным и интересным в Telegram-канале и WhatsApp-группе ЯСИА