Саха сиригэр ыам ыйын 19 күнүттэн 9 кылаастарга ССЭ сүрүн түһүмэҕэ саҕаланна, 11 кылаастарга БКЭ ыам ыйын 26 күнүттэн саҕаланар. Үөрэх миниистирэ Ирина Любимова иһитиннэрбитинэн, халаан уутугар хабыллыан сөптөөх сирдэргэ эксээмэн ыытар пууннар суохтар. Онон өрүстэр муустан ыраастаныылара эксээмэҥҥэ мэһэйдээбэт, суруйар СИА.
Региоҥҥа халаан уутунан балаһыанньа уустугурар түбэлтэтигэр саппаас пууннар бэлэмнэр.
Үөрэх миниистирэ Ирина Любимова эппитинэн, Саха сиригэр халаан уута эксээмэн ыытыллар биир да пуунугар харгыстары оҥорбот.
«Эрдэттэн эксээмэн ыытыллар пууннарын былаанныырбытыгар, айылҕа-килиимэт усулуобуаларын учуоттаабыппыт. Наада буоллаҕына саппаас пууннар бэлэмнэр. Үөдэйгэ эксээмэн ыытыллар пууна суох. Оҕолор бары Хомустаах оскуолатыгар туттараллар. Барыта былааннаммыт эрэһииминэн үлэ барар», — диэтэ кини.
This post was published on 24.05.2022 16:01 16:01