Туризмы сайыннарыыга ааҕыныстыба генеральнай дириэктэрэ Спиридон Сивцев эппитинэн, ис туризм диэн өрөспүүбүлүкэ территориятыгар араас туристыы сыаллаах айан буолар. Ол иһигэр турпохуоттар, дьыалабыай айаннар, культурнай-сырдатар экскурсиялар, аймахтарга күүлэйдээһин, бырааһынньыктарга уонна тэрээһиннэргэ кыттыы.
«Туристыыр сыаллаах нэһилиэктэр ардыларыгар айан. Социальнай өрүтүн көрдөххө, үгэскэ кубулуйбут сыаннастары уонна чөл олоҕу кэпсиир сыаллаах», – диэтэ Сивцев.
Кини эппитинэн, улуустар туризм хайысхатыгар интэриэһинэй, атыттарга майгыннаабат, хатыламмат этиилэри оҥоруохтаахтар — оройуон брендин. Сылын аайы куонкурус буолуоҕа, муниципальнай тэриллиилэргэ анаммыт, региоҥҥа «туристская столица» статуһу ылыыга.
«Якутия-36» көҕүлүүр бырагыраама оҥоһуллуоҕа, манна хас турист кинилэр улуустарыгар, нэһилиэктэригэр сылдьыбыта учуоттаныаҕа. Тосхолу оҥорооччулар этэллэринэн, 2030 сылга региоҥҥа «ис туризмынан» мөлүйүөнтэн кырата суох айан бэлиэтэниэхтээх.
Сүрүн территорияларынан Тымныы Оройо, киин зона, Арктика эргимтэтэ, соҕуруулар, арҕаалар уонна илиҥҥи зоналарга арахсыахтара.
2025 сылга предпринимателлэр көҕүлээһиннэригэр 30 мөл тахса солк көрүллэр. Биир бырайыакка 1 мөл солк тыырыллар. Бэйэ утары уунар үбүлээһинэ 50% буолуохтаах.
This post was published on 25.02.2025 16:08 16:08