Сэтинньи 4-6 күннэригэр Саха сирин Госавтоинспекциятын үлэһиттэрэ 70-тан тахса итирик суоппары туттулар. Кинилэртэн тоҕус киһи хат итирик туруктаах уруулга олорбут, кинилэри холуобунай эппиэккэ тардыахтара, диэн биэдэмистибэ пресс-сулууспатыгар кэпсээтилэр.
Үс күн иһигэр рейдэлэр барыта 1372 кэһиини бэлиэтээтилэр. Ол курдук, 75 киһи массыынаны суоппардыыр дастабырыанньата суох ыыта сылдьыбыттар, 23 киһи бырааптарын быстаран баран уруулга олорбуттар.
Ону таһынан, 300-чэкэ киһи куттал суох буолуутун хааччыйар куру иилиммэккэ, 75- ча киһи оҕолору сокуону кэһиилээх тиэнэ сылдьыбыт, өссө 89 суоппары өстүөкүлэлэрин хараардыбыттарын иһин эппиэтинэскэ тартылар.
Саха сиринээҕи ГИБДД өрөспүүбүлүкэ бары оройуоннарыгар киэҥ хабааннаах рейдэлэр бара туралларын бэлиэтээтэ.
This post was published on 07.11.2022 17:03 17:03