Саха сиригэр психологическай өҥөнү оҥорууга онлайн-сервис үлэлиэҕэ. Дьаһал «Доруобуйа» уонна «Демография» нацбырайыактар чэрчилэринэн ыытыллыаҕа, суруйар СИА ыччат министиэристибэтигэр сигэнэн.
Консультациялары биэдэмистибэ исписэлиистэрин тэҥэ, чааһынай психологтар ыытыахтара, өрөспүүбүлүкэтээҕи психологическай киин дириэктэрэ Владимир Скрябин эттэ. «Саха сирин территорията киэҥинэн психологическай өҥөнү оҥоруу боппуруоһа сытыытык турар. Биһиги филиалларбыт, суукканы эргиччи үлэлиир суһал линиялар уонна десаннар нэһилиэнньэ наадыйыытын толору толорботтор. Онон туһанан псевдопсихологтар үлэлииллэр, кинилэр сыаллара дьоҥҥо көмөлөһүү буолбатах, харчы оҥостуута», – диэтэ кини.
