Көҕүлээччилэринэн үс саха ыала буолла, кинилэр холбоһон «Мама любит» хампаанньаны тэрийдилэр.
Саҥаны айааччылар этэллэринэн, кыһын оҕо хас да хос ыстааны кэтэр, онон подгузник эбии дискомфорт үөскэтиэ суохтаах. оттон сайын өҥүрүк куйааска комфорт хааччыйыахтаах. Дизайныгар сахалыы уонна нууччалыы тылынан сурулунна.
Андрей Босиков этэринэн, тус олохтон идея таҕыста. Айаҥҥа сылдьарга сөптөөх подгузник көрдөөһүнтэн үлэ саҕаланна.
Бренд Дьокуускайга оҥоһулунна, табаар Кытайга сакаастанна. Ирдэнэр сертификацията уонна көҥүлэ баар.
Табаары тупсарыы процеһыгар Саха сирин 87 ыала кытынна. Финал Кытайга буолла, манна бренд хос бас билээччитин уонна партнерын кыра кыыһа сүрүн тестировщигынан сырытта. 50 араас холобур чинчийилиннэ, бүтэһиктээх сөптөөх түмүк ылыахха диэри.
Презентацията кулун тутар 2 күнүгэр «Точка кипения» буолуоҕа, аадырыһа: Ленин проспега, 1 дьиэтэ, 2 этээс, 14:00 чааска саҕаланар. Регистрацияны +7 (914) 284-40-40 эрийэн ааһаҕыт.
This post was published on 27.02.2025 14:03 14:03