«Өрүс суолларыгар судаарыстыбаннай бырагырааманан 38 мөл солк көрүллэр, билигин субсидияҕа куонкурустар ыытыллаллар. Бэс ыйын 5–6 күннэригэр кыра өрүстэргэ уонна Мархаҕа, Дьааҥыга, Алдаҥҥа, Өлүөнэҕэ түмүк тахсыаҕа. Субсидиялаах рейстар навигация тухары тыырыллан туруорулуннулар, тырааныспарынан хааччыллыыны тэрийэр туһуттан. Бэс ыйыттан саҕаланыаҕа: Дьокуускай — Өлүөхүмэ, Пеледуй – Витим хайысхаларынан. Тиксии – Дьокуускай маршрутунан икки рейс баар», – диэтэ Семен Коркин.
Саха сиригэр социальнай суолталаах маршруттарга пассажирдары таһар теплоходтар бэс ыйыттан айааннара саҕаланыаҕа. Билигин хайысхаларынан субсидияҕа тэрээһиннэр ыытыллаллар. Ол туһунан тырааныспар миниистирин солбуйааччыта Семён Коркин эттэ.
