Саха сиригэр исписэлиистэр хонтуруолларынан кураанах оту өртөөн саҕалаатылар. Хонтуруоллаах өртөөһүнү уот турбатын туһугар, күһүн тымныйбытын кэннэ ыыталлар, өртөммүт от эһиилгитигэр үчүгэй үүнүүнү биэрэр. Сэрэтэр өртөөһүҥҥэ эппиэтинсэээх биэдэмистибэнэн регион экологияҕа министиэристибэтэ буолар, диэн СИА-ҕа өрөспүүбүлүкэ баһылыгын уонна бырабыыталыстыбатын пресс-сулууспата иһитиннэрдэ.
Оту уматыынан сайын баһаар умулларыытыгар үлэлээбит, анал үөрэҕи барбыт «Якутлесресурс» үлэһиттэрэ дьарыктаналлар. Кинилэр өртөөһ;н хара саҕаланыаҕыттан бүтүөр диэри хонтуруоллууллар.
Балаҕан ыйын 29 күнүгэр кураанах оту уматыы Хаҥалас тыатыгар ыытылынна. 300 гектар иэннээх сирин Бааһыннаахха өртөөтүлэр. «Якутлесресурс» үлэһиттэрэ икки сиргэ уоту тыалы көрөн икки си ринэн ыыттылар уонна тиһэх кыымы умуллуор диэри хонтуруоллаатылар.
Хаппыт оту өртүүр үлэни хаар түһүөр диэри 16 улуус лесничествота ыытыаҕа: Амма, Үөһээ Бүлүү, Дьааҥы, Бүлүү, Горнай, Индигир, Нам, Ньурба, Өлүөхүмэ, Сунтаар, Сангаар, Таатта, Уус Алдан, Уус-Майа, Хаҥалас, Чурапчы. Өртөнүөхтээх сир-уот иэнэ 300-тэн 600 гектарга тиийэ, өрөспүүбүлүкэ үрдүнэн 6,6 тыһыынча гектарга тиийиэҕэ.
Санатан эттэххэ, дойдуга көҥүлэ суох өртөөһүннэр өссө 2015 сылга бобуллубуттара. Профилактическай сыаллаах уматыыны тустаах биэдэмистибэлэр анал исписэлиистэрэ эрэ ыытыллар, ону таһынан, маннык тэрээһиннэр булгуччу күһүн тымныйбытын кэннэ ыытыллыахтаахтар.
