1 Олунньу 01.02
  • -41°
  • $ 70,52
  • 76,3

Саха сиригэр от былаана 88% туолла

Читайте нас на
Яндекс Новости
ЯДВ

Саха сиригэр от былаана 88%, сиилэс 92% туолла. Бу туһунан өрөспүүбүлүкэ тыа хаһаайыстыбатын министиэристибэтин үүннэриигэ, мелиорацияҕа, материальнай-техническэй хааччыйыыга уонна мобилизационнай бэлэмнээһиҥҥэ департаменын салайааччыта Вячеслав Гаврильев иһитиннэрдэ, диэн СИА кэпсиир.

Региоҥҥа барыта 388,5 тыһыынча туонна от бэлэмнэннэ, ол эбэтэр 88%. 27,6 тыһыынча туонна сиилэс бэлэмнэннэ, бу 92%.  Сенаж бэлэмнээһинин былаана 1%-нан аһара толоруллан, 13 тыһыынча туонна буолла.

«Ыраах учаастактарга мобильнай биригээдэлэринэн оттооһун салҕанан барар. Дьааҥы, Кэбээйи, Ленскэй, Өлүөхүмэ уонна Таатта оройуоннарыгар бэлэми түмүктүөххэ наада», — диэтэ Вячеслав Гаврильев.

Бурдук үүнүүтэ 9900 гектар иэннээх сиртэн хомулунна, оттон валовой хомуура 9200 туоннаҕа — 75% тэҥнэстэ. 6,7 тыһ. гектар иэннээх сиртэн 67,5 тыһ. туонна, ол эбэтэр 96% хортуопуй хомулунна. Оҕуруот аһын хомуура түмүктэнэн эрэр. Билигин бары хаһаайыстыбаларга көрдөрүү 27,9 тыһ. туоннаҕа тэҥнэһэр бу 92%.

«Билигин хаппыыста хомуйуута салҕанар. Ону сэргэ сыл бүтүөр диэри «Саюри» теплица оҕуруот аһын валовай көрдөрүүтүн улаатыннарыаҕа», — диэн Гаврильев түмүктээтэ.

Следите за самым важным и интересным в Telegram-канале и WhatsApp-группе ЯСИА
0
0