Муус устар 30 — ыам ыйын 9 күнүгэр Саха сирин олохтоохторо Россиятааҕы «Окна Победы» аахсыйаҕа кытталлар. Тэрээһин Аҕа дойду улуу сэриитигэр Кыайыы 80 сылыгар ананар.
««Окна Победы» аахсыйа сыала Аҕа дойду улуу сэриитин кыттыылаахтарыгар, тыыл бэтэрээннэригэр ананар, өлбүттэр сырдык өйдөбүнньүктэрэ, эдэр көлүөнэҕэ сэбиэскэй норуот хорсун геройдуу быһыытын тириэрдии буолар. «Окна Победы» аахсыйаҕа кыттааччылар дьиэлэрин, кыбартыыраларын түннүктэрин Кыайыы Күнүгэр аналлаах символиканан киэргэтэллэр», – диэтэ бырабыыталыстыба бэрэссэдээтэлин солбуйааччыта Ольга Балабкина.
Аахсыйаҕа баҕалаах барыта кыттар.
Киэргэммит түннүктэри хаартыскаҕа түһэрэн, #ОкнаПобеды, #80победа, #Якутия, #СахаСирэ, #Победа, #Память, #ГосСтарт бэлиэтээн, социальнай ситимнэргэ таһаарыллар.
This post was published on 24.04.2025 18:03 18:03