Судаарыстыбаннай Мунньах XIV (уочараттаах) пленарнай мунньаҕар (Ил Тумэн) өрөспүүлүкэ судаарыстыбаннай бюджетын бастакы ааҕыытын чэрчитинэн кэлэр үс сыллаах кэмҥэ «Хаачыстыбалаах олорор дьиэ-коммунальнай өҥөнөн хааччыйыы уонна энергетиканы сайыннарыы» судаарыстыбаннай бырагырааманы үбүлээһини элбэтии былааннаммыт. Бу туһунан www.sakha.gov.ru саайт иһитиннэрэр.
2026 сылга дьиэ-уот коммунальнай хаһаайыстыбатын салаатыгар бюджет үбүлээһинин кээмэйэ Саха сирин судаарыстыбаннай мэктиэлэрин кыаллар кыахтаах толорууга саппаас үбү учуоттаан, 43,6 млрд солкуобай буолуоҕа, ити 2025 сылга бастаан бигэргэтиллибит кээмэйтэн 5,9 млрд солкуобайынан элбэх, диэн иһитиннэрдэ Саха сирин үбүн миниистирин эбээһинэһин толорооччу Иван Алексеев.
Үп сүрүн үрдээһинин ОДьКХ-ҕа гражданнар субсидияларыгар уонна сүрүн инфраструктураны саҥардыыга ыытыахтара. Ол курдук, «Нэһилиэнньэ төлүүр кыахтаах буолуутун өйөөһүн» бырайыагы үбүлээһин 19% улаатыаҕа. Бу үп нэһилиэнньэҕэ дьиэ-уот коммунальнай өҥөлөрүн төлөөһүнүгэр компенсациялааһыҥҥа, ол иһигэр элбэх оҕолоох ыаллар уонна анал байыаннай дьайыы кыттыылаахтарын дьиэ кэргэттэригэр өйөбүлгэ барар.
2026 сылга 108 мөл.солк. көрүллүбүт «Киин ититэр ситимнэри саҥардыы» бырайыак үлэҕэ киириитэ улахан суолталаах саҥардыы буолуоҕа. Ол чэрчитинэн Алдан куоракка гаас хочуолунайын тутуу уонна Нерюнгри куоракка ититэр ситимнэри хапытаалынай өрөмүөннээһин былааннаммыт.
Онуоха элбэх кыбартыыралаах дьиэлэри хапытаалынай өрөмүөннээһиҥҥэ үбүлээһин бигэ туруктаах — сыл аайы 438 мөл. солк.кэриҥэ.
