Кулун тутар 2 — 8 күннэригэр Саха сиригэр оҕо күүтэр дьахтарга эппиэтинэстээх сыһыан нэдиэлэтэ буолар. Тэрээһин сүрүн соруга – төрөппүт буолааччылар былааннааһын, дьахтар консультациятыгар эрдэ сылдьыы суолтатын, доруобуйа харыстабылын бириинсиптэрин уонна мэлдьи медицина хонтуруолун тутуһуу туһунан иһитиннэриилэрин таһымын үрдэтии. Ити ийэ доруобуйатын харыстыырга уонна доруобай оҕо төрүүрүгэр наада диэн регион доруобуйа харыстабылын хинистиэристибэтэ иһитиннэрэр.
Министиэристибэҕэ бэлиэтээбиттэринэн, хат буолуу — дьахтар бэйэтин туругун, үгэстэрин кичэйэн кэтээн көрөр ураты кэм. Этэҥҥэ ийэ буолуу сүрүн фактордарынан былааннаах көрүү-истии, исписэлиистэр сүбэлэрин-амаларын тутуһуу, толору аһааһын, куһаҕан үгэстэри туоратыы уонна үчүгэй иэйиилээх санаа буолар.
«Дьиэ Кэргэн» национальнай бырайыак чэрчитинэн өрөспүүбүлүкэ олохтоохторо 18-тан 49 саастарыгар диэри репродуктивнай доруобуйаны сыаналыырга диспансеризацияны босхо ыытыахтарын сөп. Чинчийиигэ “Госуслуги” портал нөҥүө эбэтэр табыгастаах кэмҥэ 122 нүөмэринэн суруттарыахха сөп.
Нэдиэлэ бырагырааматыгар мэдиссиинэ тэрилтэлэриттэн сэрэтэр матырыйааллары бэчээттэтии, ону таһынан араадьыйаҕа уонна телевидениеҕэ быраастар тахсыылара былааннаммыттар.
This post was published on 02.03.2026 17:07 17:07