Күндү биир дойдулаахтарым, эһигини барыгытын Норуот маастарын күнүнэн эҕэрдэлиибин!
Үйэттэн үйэҕэ номоххо киирбит уус өбүгэлэрин үтүө дьарыгын утумнаан, ситимнэрин салҕаан, Саха сирин талба талааннаах иистэнньэҥнэрэ, тимири ыллатар уустара, туос-мас оҥоһуктар маастардара, эһиги бааргыт үйэлээҕи үөдүтээччилэр, оһуор дьарҕаа түһэрээччилэр, илиигит сылааһын таҥаска иҥэрэн, дууһаҕыт ырыатын оһуорга тиһэн, үйэлээх оҥоһуктары айааччылар!
Бу кэрэ-бэлиэ күн талба талааннаах дьоммутугар, норуот уус-уран оҥоһуктарын маастардарыгар, тарҕатааччыларыгар – бука барыгытыгар дириҥ билиниибин уонна ытыктабылбын тиэрдэбин.
Айар алып умсулҕана угуйа турдун, айымньылаах үлэҕит үтүө түмүктэрдээх буоллун! Ситиһиилэри, дьолу-соргуну, уйгулаах олоҕу баҕарабын! Уруй Айхал!
Айсен Николаев, Саха Өрөспүүбүлүкэтин Ил Дархана
This post was published on 05.03.2024 09:33 09:33