Санаттахха, Москваҕа Айсен Николаев Уһук Илини уонна Арктиканы сайыннарыыга миниистир Алексей Чекунковы кытта көрсүбүтэ. Өрүттэр өрөспүүбүлүкэ экономическай уонна социальнай сайдыытыгар туһуламмыт боппуруостары дьүүллэспиттэрэ, регион куораттарын маастар-былааннарын туолуутун, Саха сирин дьонун олоҕун хаачыстыбатын үрдэтиигэ сыалы-соругу кэпсэппиттэрэ.
«Алексей Олеговиһы кытта ньиэп-гаас хаһаайыстыбатын саҥардыыга кэпсэппиппит. Билигин Уһук хотуга нефтебаазалары реконструкциялааһыҥҥа улахан бырайыак үлэлиэхтээх. Эбийиэктэр эргэрдилэр, уларытарга уолдьаста. Бу уонунан миллиард солк. Онон, федеральнайдааҕы бырабыыталыстыба өйөбүлэ суох, кыаллыбат», — диэтэ Айсен Николаев.
