Саха сиригэр нэдиэлэ устата турар куйаас кэллэ. Күнүс салгын температурата +37 °C тиийэ сылыйыан сөп . Бу туһунан гидрометеорология уонна тулалыыр эйгэ мониторинын Саха сиринээҕи управлениетын начальнига Татьяна Маршалик иһитиннэрдэ.
«Өрөспүүбүлүкэ үрдүнэн күүстээх тыал баар. Антициклон өрөспүүбүлүкэ сиригэр-уотугар итии салгын маассатын аҕалла. Бу олус туруктаах уонна бытааннык хамсыыр маасса, онон регион киин, соҕуруу, илин эҥэригэр нэдиэлэни быһа куйаас буолуоҕа», — диэн иһитиннэрэр Маршалик.
Кини этэринэн, күнүскү температура +31, +37 °C. «Түүнүн салгын баттааһына +12, +17 °C уонна +13, +18 °c тэҥнэһиэҕэ.
Соҕуруулуу-илин диэки түүнүн температура +20°C аллара түһүө суоҕа», — диэн ЯУГМС начальнига иһитиннэрдэ.
Хабаровскай кыраай баһаарыттан кэлбит буруо температураны арыый намтатыаҕа. «Буруо салгын итийэрин 2-4°C мэһэйдиир, ол гынан баран, син биир улаханнык дьайбат.
Нэдиэлэ устата ордук итии уонна сөҥүүтэ суох буолуоҕа», — диэтэ Татьяна Маршалик.
