Навигацияҕа таһаҕаһы аҕалыы көхтөөх кэмигэр сылдьар. Бүгүҥҥү күҥҥэ уопсай кээмэйтэн 1148,4 тыһ. тоннаттан 930,1 тыһ. тонна тиэйиллибит, ити 81% тэҥнэһэр, ону тэҥэ 796,9 тыһ.тонна эбэтэр былаан 69% тиэрдиллибит. Бу туһунан таһаҕаһы тиэйиини сүрүннүүр суһал бөлөх мунньаҕын кэмигэр иһитиннэрдилэр.
Мунньахха хотугу өрүстэргэ уу таһыма киэҥник намтаабыта, ону таһынан транспортнай маршруттар муора учаастактарыгар метео-усулуобуйанан уустугурбуттара бэлиэтэннилэр.
Чуолаан, кылгас болдьохтоох навигация кэмигэр ыраах арктическай уонна хотугу оройуоннарга уматыгы, ас-үөл, тутуу матырыйаалын түргэтэтэн тиэйии наадатын туһунан кэпсэтии барда.
Навигация бүтүүтэ болдьоҕо чугаһаабытынан сибээстээн, үлэ кыттыылаахтарыгар кыаҕы муҥутаан түмэргэ сүбэлэстилэр. Тыын суолталаах таһаҕаһы тиэйиигэ эппиэттиир тэрилтэлэргэ ураты болҕомто ууруллар. Хотугу тиэйии-таһыы былаанын толоруу күһүҥҥү-кыһыҥҥы кэм туруктаахтык ааһарыгар улахан суолталаах диэн тоһоҕолоон бэлиэтэннэ.
