Саха сиригэр туһааннаах пууннарга навигациянан 997,1 тыһ. тонна таһаҕас тиэрдилиннэ, бу былаан 86,8% буолар. Дааннайдары регион бырабыыталыстыбатын бастакы вице-премьерэ Дмитрий Садовников ыыппыт мунньаҕар иһитиннэрдилэр.
«2025 сыл навигацията түмүктэнэр. Индигиркэҕэ уу намыһах таһымын кытта сибээстээх ыарахаттар баалларын үрдүнэн, таһаҕас тиэрдилиннэ, билигин таһаҕаһы тутар пууннарга таһаарыы бара турар. Халлаан туран биэрдэҕинэ алтынньы ортотугар диэри тиэйии-таһыы туолуо диэн эрэнэбин», — диэн бэлиэтээтэ Дмитрий Садовников.
Алтынньы 3 күнүгэр тиэрдилиннэ:
олоҕу хааччыйар таһаҕас — 549,2 тыһ. туонна (85,1%);
хаһаайыстыбалар үлэҕэ наадыйыыларыгар — 447,9 тыһ. туонна (88,9%);
уматык-энергетическэй ресурсалара — 420,2 тыһ. туонна (82,5%).
Арктика навигациятынан 326,4 тыһ. туонна былааннаах кээмэйиттэн 249,0 тыһ.тонна (76,3%) тиэрдилиннэ.
This post was published on 03.10.2025 16:33 16:33