Булчут Мэхээлэчээн көрдөөх кэпсээннэригэр саха оҕотун хас да көлүөнэтэ улааппыта. Билигин айымньы комикс киэбинэн таҕыста. «Кэскил» оҕо кыһата уонна «Сахапечать» медиахампаанньа «Мэхээлэчээн булчут» («Байки охотника Мэхээлэчээнэ») таһаардылар, икки тылынан — нууччалыы уонна сахалыы. Ол туһунан регион салалтатын пресс-сулууспата иһитиннэрдэ.
Яков Стручков уонна Тимофей Сметанин айымньылара 1942 сыллаахха байыаннай кэмҥэ тахсыбыта. Булугас өйдөөх уонна эйэҕэс майгылаах булчут көрдөөх уонна мындыр историялара хотугу норуот хараахтырын, айылҕаҕа харыстабыллаах сыһыанын, баай толкуйдааҕын көрдөрөр.
Хас биирдии сирэй чаҕылхай, өҥнөөх иллюстрациялардаах, онон аныгы оҕо ылынарыгар чугас. Саха тылыттан тылбааһы оҥордо «Кэскил» оҕо издательствотын эппиэттиир сэкирэтээрэ Ольга Янцен.
Режиссёр Александр Лукин.
Комикс тахсарыгар серия барыта бэчээттэммитэ, онон эдэр көрөөччү кинигэҕэ, эдэр ааҕааччы киинэҕэ интэриэһи үөскэтэр.
This post was published on 11.08.2025 12:07 12:07