Саха сирин былаастара анал идэлээх эмчиттэри бэлэмниир бырагырааманы кэҥэтэргэ былаанныыллар. Быраас тиийбэт кыһалҕата Арктикаҕа балачча сытыытык турар, ол туһунан «Быһа биэрии» кэмигэр өрөспүүбүлүкэ баһылыга Айсен Николаев иһитиннэрдэ, диэн СИА кэпсиир.
«Урут атын регионнартан исписэлиистэр кэлиилэрин суотугар балаһыанньаттан тахсар эбит буоллахпытына, билигин атын регионнарга эмиэ быраастар тиийбэттэр. Билигин биһиги сүрүн сорукпут — медицинэҕэ үөрэнэр оҕо ахсаанын элбэтии буолуохтаах диэн өйдүүбүт. Итиниэхэ ХИФУ медицинскэй институтугар саҥа үөрэх дьиэтэ тутулларын туһугар үлэ ыытыллар», — диэтэ Айсен Николаев уонна объегы бырайыактыыр-сметалыыр докумуоннар үлэлэрэ түмүктэммитин чуолкайдаан биэрдэ.
Республика баһылыга итини тэҥэ Саха сиригэр Бүлүүгэ, Чурапчыга, Уус- Маайаҕа уонна Хонуу, Ытык-Күөл дэриэбинэлэригэр балыыһалар тутулла сылдьалларын эттэ.
