Ил Дархан Айсен Николаев Саха сиригэр мас-рестлинг норуоттар ардыларынааҕы киини Дьокуускайга уонна ХИФуниверситекка академияны тэрийэр туһунан сорудах биэрдэ. Манна тренердары уонна спортсменнары бэлэмниэхтэрэ.
Дьаһалар мас-рестлинг Олимпийскай оонньуулар бырагыраамаларыгар киллэриллэригэр туһаайыллар.
«Саха национальнай көрүҥүнэн 32 тыһыынчаттан тахса киһи 50-тан тахса дойдуга дьарыктанар, ол иһигэр Россияҕа — 16 тыһыынчаттан тахса. Норуоттар ардыларынааҕы федерацияҕа 52 национальнай федерация, Россиятааҕы федерацияҕа — 63 регионнааҕы федерация уонна отделениелар бааллар. Бу норуоттар ардыларынааҕы уонна Россиятааҕы фҕедерациялар, спорт министиэристибэтин бииргэ үлэлээһиннэрин үтүө түмүгэ буолар. Ситиһиллибитинэн тохтоон хаалыллыбат», — диэтэ Айсен Николаев.
Кини эппитинэн, мас-рестлинг – өрөспүүбүлүкэҕэ соҕотох, дойдуга биир бастыҥ спорт көрүҥэ буолар Олимпийскай оонньууларга киллэриллиэн сөптөөх, 2030-с сылларга. Норуоттар ардыларынааҕы олимпийскай кэмитиэт ирдэбилинэн, бырагыраамаҕа киллэриигэ мас-рестлинг көрүҥүнэн дьарыктанааччы ахсаана 65 тыһыынчаны куоһарыахтаах, оттон национальнай федерациялар ахсааннара – 85-кэ тиийиэхтээх.
Айсен Николаев маннык этэн туран Дьокуускайга норуоттар ардыларынааҕы киин уонна ХИФУ былаһааккатыгар академия арылларыгар сорук туруорда.
